designed by: M. Aladdin & H. Fathy

Wednesday, September 20, 2006

..عادة



الموت عادة..

الهجر عادة..

و الدمع عادة..

و الحزن بحر،

بيحب الزيادة

الندم عادة..

الذنب عادة..

و الجرح عادة..

و الحب صنم،

مل العبادة

الشنط المربوطة.. برضة عادة

المرايا المكسورة.. برضة عادة

الشبابيك المقفولة.. برضة عادة

دخان السجاير،

مرار العيون،

زعيق الصمت،

تقطيب الجبين،

برضة.. عادة....

بلبل بيصرخ و احنا،

فاكرينه طاير م السعادة..

عادة..

الموت عادة..

و الهجر عادة...

.............................................

العظيم فرانسيس بيكون، بعدسة جون مينيهان

2 comments:

Omar Mostafa said...

كلامك ده يا لول؟ لو كلامك، فعادة بحد متتقطعش، حلو قوي

Muhammad Aladdin said...

المشكلة يا اخي اني كنت خايف من رأيك انت بالذات في النقطة دي.. الحمد لله ان طلع كده
:)