designed by: M. Aladdin & H. Fathy

Monday, October 03, 2005

عيب يا لولو، يا لولو عيب

فوق السرير لولو بتقلع ماضيها و ايام سنينها اللي فاتت و محدش يقدر يقول لها عيب. لأن لولو طيبة و بنت حلال و كانت و ما زالت تتحط علي الجرح يطيب، بس اكتشفت ان حبة الدهون اللي عندها متوزعين كويس و أن فيه بياعين كرشة كتير و الحمد لله
محدش بيقول للولو عيب يا لولو لأن تقريبا ما بقاش حد بيستعيب حاجة، و تقريبا برضه كله بقي بيعمل نفس العيب فمبقاش عيب. لولو عن نفسها-بعد تفكير طويل و حبه زمزئة و شجون و بقايا هبل-اكتشفت ان كل الستات اللي بيقلعوا بقم حاجات مهمة خالص و ما بقوش يقفوا قدام الكبابجي زي كلاب السكك، و إن احلام العربيات و الهدوم و الروايح و السفريات و الفيكتوريا سيكريت خلاص ما بقتش احلام لأنها بقت روتين الحياة اليومي
اكتشفت لولو أن حراس الاحترام و القيم هما بياعين الكرشة و أن ذلك من فضل ربي و اللهم اجعله بلدا آمنا. طيب مين ما يحبش يكون محترم و التمن بسيط. بسيط لأنه بعد دوسة و التانية الاستوب ووتش ح تشتغل و تكتشف لولو أن المسائل كلها عشر دقايق تسوي حياة كاملة مليانة عبيد مخلصين، و لازملها حبة ذكاوة و تفتيح مخ علشان تعمل خميرة تكفيها بعد دوبان الدهن أو انفجاره
فوق السرير لولو عريانة من أي ذرة من الماضي الحزين و اللي كان. محدش يقدر يقول للولو عيب، و انا عن نفسي مش ح اقدر اقول عيب، لأني لو قلتها لولو ح تفقعني ضحكة تخليني استعيب روحي انا كمان

5 comments:

R said...

لولو ميين؟

إنت فكرتني بالمناسبة (على ذكر الكرشة) بحوار على قناة فضائيّة (رفضت الإفصاح عن اسمها :)) كانت تستضيف مؤلف أغنية "بابا فين" وكان يا أخي يتحدث كأنّه أتى بالإلياذة أو بمعلقة تأبط شراً!!!

دي فرصتي أكتب أغاني للأطفال :)
ـ

Muhammad Aladdin said...

دوس يا دكتور محدش واخد منها حاجة
:p

الست نعامة said...

لولو مين يا علاء؟! كده جرحت مشاعر العائلة الكريمة!

خليها تقلع وتتجرد من كل حاجة، ماحدش واخد منها حاجة.

Anonymous said...

متعرفنيش مش كده؟


انا كمان معرفكش

بس وصلت هنا صدفة

فى حاجات لذيذة اوى


ولولو اثارت ضحكى وتفكيرى مع بعض

صعب اوى اللى بيضحك يفكراو بمعنى ادق يتعمق فى التفكير لانه ببساطة بيكون مشغول بالضحك !!


حسنا سيدى

اممم اه بيقولوها ايه ان انجليش اه

nice work !!


no0r

كاتبة قصة قصيرة .. ع النت فقط وحياتك مش تبحلق كده


تقديرى

Anonymous said...

Best regards from NY!
iron beds water bed amazingbed.com M & h tires Twill pants inseam