designed by: M. Aladdin & H. Fathy

Sunday, July 17, 2005

كابتن مازن--من حدايق المعادي لأزقة بيشاور

صحيت النهاردة علي رسالة من صديق عزيز ما شفتوش بقالي سنة تقريبًا، مازن امان الله، مراسل الجزيرة في كابول،كانت الرسالة بتقول أن فيلمه التسجيلي الأول ح تذيعه قناة الجزيرة امبارح، و ح تعيده النهاردة الساعة 12 ظهرًا بتوقيت القاهرة. الفيلم عن صناعة السجاد. و بما أن العبد لله معندوش لا سجاجيد و لا دش، فاكتفي بمكالمة لطيفة علي حساب مازن--اللي قرن رسالته بمكالمة--و هو بيتمناله كل خير. مازن حكاية طويلة مليانة كفاح و تعب.. كل ما بتخيله بيمارس شغله--و هو كان هناك من أول المعمعة--في الظروف دي بدعيله، و اقدر شجاعته علي ممارسة شغله في اجواء الكوميديا بتمتزج بالتراجيديا فيها بسهولة شديدة--حصل و كان لينا قعدة طويلة في قهوتي المفضلة السنة اللي فاتت.. و كانت التفاصيل في احيان كتير غرائبية
نفسي هنا اهني مازن بفيلمه الأولاني، و ياريت اللي يقدر يشوفه ما يوفرش الشتيمة المتوقعة لعمل اول
:)

No comments: